زاد الولع يا صاحبي بعد ما غبت

وش عاد لو طالت ليالي غيابي

كنت الصغير اللي على يدينك وشبت

وكنت العبير اللي انسكب في ثيابي

اجيك حتى لوتنادي لي بصمت

تزهر بك ايامي واحيا شبابي

احرجتني برمشك من بعيد سلهمت

وقربت افقد من سواده صوابي

اذوب لو ثغرك تبسم وتمتمت

طالت معك رحلة هناي وعذابي

في مدرسة جرح المشاعر تعلمت

ونجحت في تعميق مجرى مصابي

يعني: انا يوم اني حبيتك اجرمت

ورسمت لك صورة بصفحة كتابي؟

عيني على دربك من السبت للسبت

من وين ما يسرح خيالك مشى بي

شوف بعيونك حالتي بعد ما غبت

وارجع واقول: آسف جرحني غيابي