باستنظرك
باستنظرك
رغم القساوه فى منظرك
لحظة هروبك يارباب
م الحب لما استنصرك
باستنظرك
باستنظرك
باستنظرك
رغم الشتا والبرد والرعد المخيف
باستنظرك
فى الشارع المشغول بأوحال الرصيف
أنا أصلى حاسب موعدك
وعارف اللى بيبعدك
وانا اللى خابر تبقى مين
وانا اللى صابر من سنين
وباعد لك
بالثانيه عمري
واعد لك مطرح ف بستان الأمل
وبامد لك
وف كل خطوه أمد لك
إيدى اللى شققها العمل
***
مدى الخطاوى ياحبيبتى وقدمي
وان كنتى خايفه م الطريق اتبسمي
ياشمس ياللى ضحتك
قمر ينور سكتك
أنا اللى عشقك يستتك
باستنظرك
باستنظرك
ياجرحى ياحلمى العنيد
باستنظرك
باستنظرك
يامصر ياحبى الوحيد
وحتيجى يوم وتصدقي
عشقى الأصيل وتحققي
حلمى الجميل وتزوقي
عمرى اللى ضاع مستنظرك
باستنظرك
باستنظرك
باستنظرك