صباعك عن زناد الموت
دا انا عصفور ضعيف الحال
ولا اكفيش عيالك قوت
انا العصفور وليف الخضرة والمية
بأقول الحان يغنوها الجناينية
وأقول اناشيد  كلامها جديد على السامعين
بمعنى قريب ومعنى بعيد وثورية
طويت الجو بجناحي وانا حاير
وضحكت في الهوى جراحي وانا طاير
ورحت بعيد مع النسمة
وشفت كتير من القسمة
سنين والدنيا تبكي لي
وأقول دى مسيرها مبتسمة
واديلي كتير على دا الحال
بقاسي المر والبطال
ياصياد الطيور ياخال
صباعك عن زناد الموت