ياتل قلبي منك ياترف الأقدامي

تلة مهرب والسواحل يحدونه

مع طلعة النجمه سري والقمر زامي

يمشي بدون الليت خوفٍ يشوفونه

غافل وساري ماوعى الا الرمي حامي

فز وتعزوى وعض شفته بسنونه

كواه بالثاني وتله بعد قامي

اردف بثالث خوف ينهار بنيونه

اقفى وعجه من ورى تايره قامي

وماريحه لينه طوى كل طبلونه

قال الخوي خلك هبيسٍ وانا الرامي

خفر السواحل يحسب انهم يجيبونه

عليك ياللي حبكم قرب اعدامي

اصبحت انا وياه ليلى ومجنونه

وياوجد حالي بعد فرقاك والامي

من واحد يذبح بسلهامة عيونه

ياليت لهل الحب قاضي وحكامي

برفع قضيه ضد من صرت مديونه

عل وعسى ياخذ قضانا من الدامي

والا يجينا صلح واعود مفتونه