ماينفعك لاصرت محتاج بالحيل

الا شميميِ من عيال بدوى

والا حضريِ لاعطى يوفي الكيل

من طيب راسه مايواعدك غدوى

واعم فيها الطيبين المشاكيل

وكل ابلجٍ خلَا المطاليق قدوى

ولا اقصر منها كل طيب وحلحيل

اللي لدرب الغانمين ايتقدوى

اللي مجالسهم بها البن والهيل

والا الردي جعله عليها مفدوى

ماهمهم كثر الحكي والاقاويل

ولاهمهم غنجة سميره وشدوى

لاجت سوالفهم بوقت التعاليل

محبوكة من الخمل حبك سدوى

ماهي علوم فلان وفلان بالقيل

والكل منهم له طريق به ادوى

يالله عسى دنيا القروم التساهيل

اللي نفعهم للقرايب مبدوى

قلته ولالي حاجة يارجاجيل

لاكن اذكَر كان في القول جدوى