الليش بعض الناس
لا شافوا ميولك نحوهم زينه
رفعوا عليك الراس
هل هم من ذهب والا من الطينه
كل يوم يعطونك وعيده
ووعودهم ماهي اكيده
يوحل بها الواحد
ياكم وكم في الوقت شفته وانتهى والجبر بين الناس خالد
انا ما قطعت اليأس
منهم والهوى عارف قوانينه
وان ما طلوا لا بأس
ماشي عندهم لي قطع وِرْهِيْنه
وان كان معهم لي مكيده
من كادني حاشا نكيده
بطرح له الزايد
ياكم وكم في الوقت شفته وانتهى والجبر بين الناس خالد
روست بالمرواس
في اذانهم ماسمعوا حنينه
ونات ليلي حاس
ساهن عطفهم وينه بعد وينه
وحدي رموني وسط ريده
وهموم كالفها جديده
واجد عَلَيْ واجد
ياكم وكم في الوقت شفته وانتهى والجبر بين الناس خالد
ما للهوى مقياس
والعشاق ما ضبطوا موازينه
يا قلبي الحساس
اصبر كل شي بايجيك في حينه
لا بد من ليله سعيده
تلقى بها كل ما تريده
اهدا وكن واهد
ياكم وكم في الوقت شفته وانتهى والجبر بين الناس خالد
يافرحة الاعراس
يانشرتي في جمعه وفي زينه
يا تبر يانبراس
بس ما حد يتوّ فيه ويهينه
متى متى يقرب بعيده
ونحط ايدى فوق ايده
عالحب نتواعد
ياكم وكم في الوقت شفته وانتهى والجبر بين الناس خالد