ورى لي يحبوني بالأمس عادوني
وقفوا حجر في طريق الحب من دوني
ورجعوا يحابوني ع الفلس والدانك
زمانك زمانك يعرفك بالناس
وبالناس تعرف زمانك
***
تجنوا علي وفي غيبتي سبوني
وياريتهم بعد ذاك السب سابوني
ولما يلاقوني يقولون خلانك
زمانك زمانك يعرفك بالناس بالناس
وبالناس تعرف زمانك
***
وهم ع العسل واللبن من سمح ضروني
وبعده سقوني من القاطع وضروني
ورجعوا يحافوني ع الفلس والدانك
زمانك زمانك يعرفك بالناس
وبالناس تعرف زمانك
***
صحابي ولكنهم عابوا وباعوني
فيارب الأرباب ساعدني وكن عوني
وجد لي بمضنوني بلطفك وإحسانك
زمانك زمانك يعرفك بالناس
وبالناس تعرف زمانك
***
إذا عزني الله هم مقصودهم هوني
بغونا نخب جم ونا نمشي على هوني
ومن خب جم في عظامه جاله الصانك
زمانك زمانك يعرفك بالناس
وبالناس تعرف زمانك