سر حبي فيك غامض سر حبي ما انكشف إيش خلاني اعشق فيك و العشقه تلف أيش اوقعني في اشباكك وانا عيني تشوف لا تعذبني وإلا سرت وتركت المكلا لك إذا ما فيك معروف *** فوق شاطي البحر حيث اللول يوجد والصدف واللقاء قدكان صدفه لاجزى الله الصدف عندما سمحت ظروفك لك وسمحت لي الظروف لا تعذبني ولا سرت وتركت المكلا لك اذا مافيك معروف *** واجهتنا خلف بعد العصر والحاسد خلف و الهوى يجري حوالينا يلف الموج لف و الجبل من فوقنا يشهد ويشهد لي الكهوف لا تعذبني وإلا سرت وتركت المكلا لك إذا ما فيك معروف *** كل واحد مننا ماسك من السكه طرف لا هدف لي فيك يظهرلي ولا لك شي هدف انتهى المشوار كله ما تلامسنا الكتوف لا تعذبني وإلا سرت وتركت المكلا لك إذا ما فيك معروف *** بعد ذاك اليوم زاد الحب لي لك والشغف عنك أسأل كل شي حتى شبابيك الخلف وان تغيبت علي دورت في شمس الصيوف لا تعذبني ولاسرت وتركت المكلا لك اذا مافيك معروف *** إنت تحفة صاغها الرحمن من احلى التحف إنت في الدنيا قضيه ما تحملها ملف وانت احلى اسم في قلبي رباعي الحروف لا تعذبني وإلا سرت وتركت المكلا لك إذا ما فيك معروف *** حبك استولى على قلبي وحملني كلف حب احرمني منامي ما اغمضت للعين دف حب مهما لك وصفته عنه يقصرني الوصوف لا تعذبني وإلا سرت وتركت المكلا لك إذا ما فيك معروف
الشاعر حسين المحضار: شاعر يمني بارز اشتهر بقصائده الغنائية التي تميزت بالجمال والفصاحة وقوة المعنى.
مسيرته الشعرية:
ولد حسين المحضار في قرية المحضار بمحافظة حضرموت في اليمن عام 1931.
بدأ كتابة الشعر في ...
