ياسعد ليل من هو مثلك يخاويه

ويا طيب شعرِ لو طرى لك بسيره

وياسعد من بالشعر وصل معانيه

في وصف شخصٍ عمنا دوم خيره

ياسيدي حتى الشعر قال لبيه

يومٍ ذكرت إسمك ورفرف عبيره

قالوا سعد قلت السعد لا تلاقيه

ماكنه إلا تجمعك فيه جيره

إبن عبد الله اللي لا ذكرته وتطريه

تذكر مراجلهم مزايا كثيره

ماقد كتبت المدح ولا كنت أدانيه

لكن معاني المدح عندك صغيره

ياسيدي بختم قصيدي وبنهيه

وقبل النهايه هاك كلمة أخيره

حرام مثلك نكتب أبياتنا فيه

والشعر إنتا وإنت للشعر ديره