عاد الشمس شفناها طلت
في الشروق
عـدّل مواعيدو المطر
وقــّع على الدفتر بروق
إكرام وكت ما صوتا بالمايك يصل
تضحك قصائدنا وتروق
وكتين تطل في الشاشة
زي مقطع فرح
نلقى الفرح بلّ العروق
تبقى الحكايات قوس قزح
والنشرة تصبح روق وذوق
وأنا يا مطـر
مستني إكرام في السحاب
رعشة محطات الخطر
صوت القطر
دهشة حقائب في السفر
همس البساتين والزهر
صمت الشجر
لحظات بتملا الواحة شوق
كلمات نقولا وما بتحوق
نغم الحروف..  حال الظروف
ضو المكان..  وردة وكمنجة واتزان
البسمة غابة برتكان
والنشرة أحلامنا الزمان
لو فاصل ونواصل نفوق
تبقى الخواطر اشتعال
تبقى المسافات احتمال
وأخبار مدوزنة في الشروق