مرمر زماني مرمرش حاسب يا سيدي ماتتامرش بنغني لجل الناس الناس في امبابه و لا في ابو العباس لكل حاره ايدين تنباس مدام بتبني و لا دمرش مرمر زماني مرمرش حاسب يا سيدي ماتتامرش لابوس ايدين دباح العجل و ابوس ايدين من يكسي الرجل و ابوس ايدين بياعة الفجل بتبيع ثمار و لا تستثمرش مرمر زماني مرمرش حاسب يا سيدي ماتتامرش يا خلق هوه خليكوا شاهدين قريبي في الدنيا و في الدين واخد نصيبي من الفدادين وسكت له لكن ماطمرش مرمر زماني مرمرش حاسب يا سيدي ماتتامرش مكتوب لغيري يقش الزاد و ليه يا طيري اعيش منكاد قالي المثل قرشك صياد و ابن الغلابه ما بيزمرش مرمر زماني مرمرش حاسب يا سيدي ماتتامرش زعلان يا باشا زعلان ليه عشان غلطنا و قولنا يا بيه طربوش جنابك يا اختي عليه لما بسرعه رجعت له مارش مرمر زماني مرمرش حاسب يا سيدي ماتتامرش اسمعها كلمه من المنقوش على كل ساقيه و كل شاكوش ان كنت ناوي على حلق حوش اموت و عرقي ما يستعمرش مرمر زماني مرمرش حاسب يا سيدي ماتتامرش
جمال بخيت: شاعر مصري مبدع وكاتب أغاني مصري شهير، ولد في 29 يناير 1954.
تخرج من كلية الإعلام - قسم الصحافة بجامعة القاهرة عام 1979.
عمل في مجال الصحافة، وشغل منصب مدير ...
