نوري نور
واهدمي سور
وسيلي شهد وندى وعطور
يا اعلى موجة في بحر الضي
يا احلي نسمة في شمس الحي
ما تواعدينيش علي بكره الجاي
ليه النهارده يبات مهدور
***
اشيل حمول الوقت حنين
واعدي بيها زمان رواح
وكل ثانية بعد سنين
تولد في قلبي ندا وجراح
واما التقيكي تقولي اكيد
حنتبدي بكرا المواعيد
ونحصد الحلم المبدور
***
لسه النهاردة صبح وليل
وعصر فتنة ومغرب ضل
مليان بسعد ووعد وميل
وحضن شوق علي سدري يهل
مدى ايادي اللقا في الحال
يكافاني في غربتي ترحال
توهة في الزمن المغدور