مش باقي منى غير شوية ضي في عنيا انا هاديهملك وامشي بصبر في الملكوت يمكن في نورهم تلمحي خطوة تفرق معاكي بين الحياة والموت *** مش باقي منى غير شوية قوة في ارادتى حسبي عليهم وانت بتخطي مش باقي منى غير شوية ضي في عنيا انا مش عاوزهم لو كنت يوم هالمحك وانت بتوطي في معركة مافيهاش ولا طيارات ولا جيش وانت في طابور العيش بتبوسي ايد الزمان ينولك لقمة بتبوسي ايد الزمن ينولك لقمة من حقك المشروع *** مش باقي منى غير شرقة بنفس مقطوع وانا صوتى مش مسموع يا حلمنا الموجوع من المرور ممنوع وانا صوتى مش مسموع يا حلمنا الموجوع من المرور ممنوع *** مستنى لما يمر موكب سلاطينك ومش باقي منى غير شوية كفر بشروقك على شوية من طينك على شوية صبر من دينك مش باقي منى غير شوية لحم في كتافي بلاش يتبعتروا في البحر ومش باقي منى غير شوية لحم في كتافي بلاش يتحرقوا في قطر الصعيد في العيد *** بلاش لكلب الصيد تناوليهم خدى اللى باقي من الامل فيهم وابنيلي من عضمهم في كل حارة مقام وزوريني مرة وحيدة لو كل الفين عام الم الجراح يتلم مش باقي منى غير شوية دم متلوثين بالهم مرين وفيهم سم ومش باقي منى غير شوية دم ماقدرش اسقيكي مواجعهم وبرد ماقدرش ارميكي وابيعهم يمكن في مرة تطلبيني شهيد هاحتاج يوميها الدم يمضي على شهادتي
جمال بخيت: شاعر مصري مبدع وكاتب أغاني مصري شهير، ولد في 29 يناير 1954.
تخرج من كلية الإعلام - قسم الصحافة بجامعة القاهرة عام 1979.
عمل في مجال الصحافة، وشغل منصب مدير ...
