ياسائل عن هم قلبي وناره

هذي الحقيقة كان تبغى الحقيقه

تدري وش اثقل هم واكبر خساره

ان الصديق في يوم يخسر صديقه

ماهزني عصف الزمان وغباره

واعرف اداوي بالوفا كل ضيقه

لي قلب صامد مستحيل انكساره

ماهزته الا خسارة رفيقه

خاويت عز القوم واهل الصداره

واوفيت معهم بالعهود الوثيقه

ماذقت معهم يوم كاس المراره

ولا حملوني فوق مالا اطيقه

ياقلب قم لله صل استخاره

وابعد عن اهموم الزمان وطريقه

الحر تكفيه بحروفي اشاره

والوقت متكفل بكشف الحقيقه