تحط برقبتي حجر
ترميني وسط النهر
وتقلي عوم ويلاه
وشلون اعوم
***
تحملني ضيم وقهر
تكسر عليا الظهر
وتقلي قوم ويلاه
وشلون اقوم
***
كله وذا ماكفاك
زايد عليا جفاك
وبعدك تلوم ويلاه
بعدك تلوم
***
ماعاد فيني صبر
ليلي دموع وسهر
ومقدر انوم ويلاه
ومقدر انوم
***
من وين الاقي رضاك
مادمت شاقي معاك
قاسي ظلوم ويلاه
قاسي ظلوم
***
ضايع معاك العمر
بين الجفا والهجر
ومنك محروم ويلاه
ومنك محروم
***
ذبحني والله غلاك
اتعبت قلبي وراك
وعشت ابهموم ويلاه
وعشت ابهموم
***
قاسي وقلبك حجر
منك بعز الظهر
شفت النجوم ويلاه
شفت النجوم
***
ما شفت لحظة صفاك
ما يوم تهدا سماك
دايم غيوم ويلاه
دايم غيوم