الحب خالد وحبي خالد وباقي

للي احبه واحب دار سكن فيها

شلته فعيني وشلت الحب باعماقي

والروح بالشوق غنتله اغانيها

راقي بذوقه وقلبه بالوفا راقي

لو وزع الطيب بين الناس يكفيها

ربي متوج وفاه بحسن الاخلاقي

واغلى الجواهر باوصافه يحليها

لوحه غرامي وزهر الحب باوراقي

تظماه عيني وشوفه بس يسقيها

احمل خفوقي واسافر له باشواقي

واغلف اجمل مشاعر الحب واهديها

الله يكمل بشوفه فرحه احداقي

وتقر عيني بوصل اللي مهنيها

يا حبي خالد في قلبي راسخ وباقي

واحلى واغلى من الدنيا وما فيها