منجم ذهب يمشي على كوكب الارض

مدري الذهب يمشي او انه حلاها

فيها خطوط الطول تطغي على العرض

وانهار من ديباج تمشي وراها

ان سلهمت بجفونها النعس المرض

غمض قبل ما تجذبك في هواها

نظراتها تفرض عليك الهوى فرض

مهما تغض الطرف عن مبتغاها

مرت وكنها تمر في ساحة العرض

والناس تتزاحم لخاطر تراها

لكن بها حشمة عرب تحشم العرض

في كبريا ء بالمحاسن تباها

يا ويل حاله من جعل حبها فرض

ما ترمش عيونه ما دامه معاها

كنه لقى حورية تسكن الارض

طاحت من الجنه وقلبه لقاها