قالت احبك ياراشد قلت من قدي

الكلمة هاذي تموتني وتحيني

قالت احبك وكانت سبحتي في يدي

من دون ما اشعر بها طاحت من ايديني

كنت احسب ان الليالي كلها ضدي

من قبل ما هي تجي في عينها عيني

واليوم عايش معاها في عمر وردي

واموت انا في حبها وتموت هي فيني

كل مرة تقول لي لو تدري بودي

او تعرف اش قد احبك يامهنيني

ان كان عشت الدقايق كلها عندي

ما كنت لحظة بلا شوفك تخليني

كانت تنادي باسمي لو هي بحدي

وتحط بعض الحواجز بينها وبيني

واليوم لما تبين سدها وسدي

من دون كلمة حبيبي ماتناديني