من هو سمح لك تاخد القلب وتروح

مفروض تستاذن من اهله يا غالي

يعني عشان انك صغير ومملوح

تاخذ قلوب الناس ولا تبالي

كانك نويت تعلقه ما انت مسموح

اصحى ترى قلبي ماهو للتسالي

بوضوح عاملني واعاملك بوضوح

لا تحدني ازعل واحطك في بالي

جرب شعور معانق الروح للروح

وبتقول يا ويلي على اللي مضى لي

انا ما ابوح في سري و في سرك تبوح

و اهدي لك النجمات و تردها لي

القلب لك يا سيدي القلب مفتوح

ما عاد فيه اول ولا فيه تالي

عهد علي اني لاسلم لك الروح

تعال وابشر بالسعد والدلالي

نقلب ليالينا مسرات ومزوح

الراس عالي فوق والمود عالي