الدار تبغى واحدن من هل الدار

يبرها بره حدا والدينه

وجاها ولد سلمان بعزوم واصرار

القلب طاهر والايادي امينه

ياطيب شورة لابغو طيب الاشوار

فيه اجتمع عقل وثبات وسكينة

الصادق المتواظع الوافي البار

يسلم لنا محمد وتسلم يمينه

من خاف ربه زاد هيبه ومقدار

ومن عز دينه عزه الله بدينه

بعيد نظرات وطموحاته اكبار

الله على عشق الصعايب يعينه

الناس تفخر لاامدحوها بالاشعار

الا محمد يفتخر مادحينه

اليا طرالك تمدحة طب واختار

عينه اتبشر بالسعد حي عينه

حرن على كفه يحسدون الاحرار

ومايلمح الا الكايدة والثمينه

يطير قلب المملكه كل ماطار

لاغاب عنها قالت اطويق وينه

دربة يمين ودرب عداوته ايسار

واليا تلفت كلبونا يمينه

مسكنن في قلبه الطاهر الدار

ومسكن الشعب السعودي بعينه