يا نديبي على اللي داربن في مسيره

قم ترحل على شفي برد الرسايل

قل لمن تاه في مسراه يسمع نذيره

لابتي تمنع العايل بحد السلايل

كان ما صار عقب الزود يلعن مشيره

يقصر الدور منا يا طري الفعايل

من حربنا تبات الليل عينه سهيره

كن قلبه على نيران جمر الملايل

ظدنا كان ما ضاقت عليه الجزيره

ما حمينا وطنا يا حسين الدلايل

بالسيوف الهنادي وأم خمس القصيره

 كم حريبن على راسه نرز الشلايل

كم عشيرن بكت عيناه فرقا عشيره

 في نهارن يشيب اقذال سمر الجدايل

ذا لعيناك يا رامي الهوايا الخطيره

ما لقينا تواصيفه و لا له مثايل