لـيه .. شمس الغلا  اللي من  عيونك همى

يـوم مـرت على هالقلب ، والصمت طال ؟

كـل  بـوحٍ  ف صدري  ظل  ..  وأنتِ  سما

أشـرقت شـمس وإلا .. ما خِلق لك ظلال !

صـعب  أفـسر  شعورٍ  ، ما ارتوى  ولا ظما

وأجـمل  الحب  .. ما دام  الحقيقة  خيال

كل   ما  جرّح   عروقي  ..  وعشبه   نمى

ف أنـتي والورد وأعشاش الحمام احتمال

في  غيابك  ، جرحتي  الما .. وعوٌد  زمى

مـا  ذبحتي   ف صدري  ،  زهرة  البرتقال

لـو عتابك خذا الليل .. ب " جريرة عمى "

ما أنتي اللي طعنتي الصبح ، والفي مال !

اعـترف ..  والمشاعر ، من غيابك ..  دمى

شـفتي أشلون  حركتي الدمى .. بالوصال

وأعـذب  فـصول   هالدنيا  ،  وراك  ارتمى

يـوم  طاح  اللثام  ،  ولاح  فصل  الجمال

فـارهٍ      هالدلال   . .     وباذخٍ  كلما

جـيت ألملم تفاصيله ، همس لي : محال !

مـا نبت  ريش عصفورٍ ، ضعيف .. احتمى

من  هجيرك  .. ويعبث  فيه  برد  الشمال

لكن  القلب  ،  عن  كل  المواجع  ..  سمى

من مطر ضحكتك .. لآخر جفاف  السؤال