حيا الله اللي بالحلا ماكل الجو

غطا على كل الحضور بجماله

تو ماأنشرح صدري على شوفته تو

يامر على روحي وكلي حلاله

دايم إذا شفته أنا ألقاه محلو

سبحان من صور حلاه ودلاله

سو ماتبي ياصاحبي فالهوا سو

يالغالي اللي ماأدور بداله

كل البنات أن كان راحوا ولو جو

هو الوحيد اللي في قلبي لحاله

مثل القمر في طلته ساطع الضو

يفرق عن نجوم السما في لياله

الناس مهما فينا قالوا وعادوا

الهامي دايم فيه صادق وصاله

ولو ماحصلي صاحبي في الهوى لو

أحب غيره في الغرام إستحاله