مثل القمر دايم تغير وصوفه

مره قمر ومره بدر ومره هلال

دايم تغير في الليالي ظروفه

سبحان من حلاه في كل الاحوال

حتى الزعل يحلى عليه بكسوفه

يرضى بسرعة والزعل منه ما طال

وليل بلا نوره يروع بخوفه

بالوصف دايم ينضرب فيه الامثال

محدن يقاوم في غرامه سيوفه

يا بخت من في الحب من صحبته نال

والمشكلة اني وين ما رحت اشوفه

واشوف عشاقه يجرون موال

ولا على من حب مثله حسوفه

هذا الحبيب الي اذا قلت ينقال

مهما تغير ما تغير طيوفه

يبقى قمر ولا بدر ولا هلال