بفكِِّر فيك كتير يا زول ..
وما بتستاهل التفكير
عشانك إكتويت بالريد ..
واتحمَّلت نارو كتير
زفّيت ليك هواي والشوق ..
وصدودك كان لغة تعبير
وما بتستاهل التفكير
بفكِّر فيك وبِستَغرب ...
كيف سِبْتَك تعيش جُوَّاي؟
سنين وسنين هواك بيكبر ...
وبعزف لحنو جوَّة غُناي
كيف سبتك تعشعش كيف؟
وتقنعني المحب سَوَّاي
وماك سَوَّاي ...
وما بتستاهل التفكير
بحبك أيوه ما بنكُر ...
ونقطة ضعفي حبي إليك
بلا استئذان دخلني هواك ...
وتحدَّى عنادي لون عينيك
بحبك بِعْتَرِف يا زول ...
وخطواتي بتسوقني أجيك ..
وبجيك وأجيك.. وأحدَّق فيك
وأقول في سرِّي رغم الحب ..
ماكَ سوَّاي ..
وما بتستاهل التفكير