وحدى
وأنا اللى عارف
وقعت من فوق أرضها
لسابع سما ف الحزن
وحدى
ومش ناوى أبدأها بزعيق
ولا حتى تخبيط ع الببان
يمكن من سكونها
هياجها يزيد
تيجى كده
زى جيّيتها مع العميان
والمركب اللى بتغرق
أكيد حتِرسىِ ف برّ
سُبحان معدّيها علينا
ف وسط الضِّيـق
لو ما أراد احتِوانا
ما كـُنا عـدينا
بقت كده
...............
وكلام كتير
بيكسروه يوزن
دعوه وقليل البخت  
ما بيسيبوش حظه
ف موالد التنطيط
والحقونى يا...
الشيخ أمين عملّها وفكْ
قالها ف وشى
والسما مفندّقه
بسبع تبواب مفتوحين ع الارض
"أدعى عليك بالغرام
تحب ما تطولّشى"
وادللعوا يا مشايخ الهزّ الرفيع
وسيبوا فى جسمها المنّحول
علامات الخشونه
والبغدده ببلاش
وضم...
ضم تك ضم
من اول حكاوى البصمجى التايّه
ف اناجيل البطالمه
لما لاخر فاطمى عدّى
وساب فى جسمها العلامات
أنا مش ف روحى قصدْ
أهز ف الكرسى
للخليفه يقطع الموصول
وضم
ضم تك ضم
زنقة حنطورجية دمنهور
ملِّتْ حواريها
من مولد سيدى الجيشى الرفاعى
لما لسيدى خضرها المقصود
أنا مش ف روحى قصدْ
لو كان علّيا أديك
ملو العيون مزازيك
سبحان اذا يُرتضى
افعال عباده يشاء
وأنا مش ف روحى قصد
أعدل المقلوب
ولا ليّا..
كل الحكايه
ضم
ضم تك ضم
أيووووووه
من أول السلم
لما لاخره رقص
والفرح ما زال
ضم..ضم..تك.. ضم
وأنا مش ف روحى قصدْ
كل الحكايه
ضُم ضم..ضمممم
ضمممممممممم
وتك..تك
تك ضم تك
كان..
فى قعدتهم صفا خالص
كُنت
بأمانه
مش عايز أروح ف الحزن
ولا أزور الجوع
من ييجى كام مطره
وأنا مش ف قصدى روح
وضم...ضم ...ضم..ضم .ضم
وأنا..
مش ف احتياج للجوع
ولا ف احتياج للحزن.