ترجيته عليه الله واكبر

ولا فاد الرجا واحترت حيره

تغير طبعه الاول تغير

نسي حبي وانا شبيت غيره

على ما جاك يا قلبي تصبر

وقل يا الله عسى با الامر خيره

حلف لي با الوفا لاشك قصر

عهود الغش مدتها قصيرة

أنا والله لوجاني وتعذر

فلا أقبل عذر من خاين عشيره

وباقي الحب عزالله تكدر

وخل الحلو يتريح ضميره

اذا جيته عسى رجلي تكسر

ولو قصدي الهوى عينت غيره

انا قادر على النسيان واقدر

على الاسفار من ديره لديره

ولا هو كفو نتعب له ونسهر

وهو مرتاح عند الله كبيرة

ألايا نعبوا ذا الحظ ألاقشر

عليهم حذني عيشه حقيرة

ألايا قلبي أصبر لا تحسر

خلاص انسى الصغيرة والكبيرة