بتعرف اني مشتاقتلك
بتمنى من قلبي شوفك
بس لو شفتك وتلاقينا
القلب علي رح بِ يدلك
ما بعرف شو ممكن قلك
مع اني كتير بحنلك
يمكن غصّ الكلمة تخرس
بس بقلك : مشتاقتلك
بشعر بغيابك باللهفة
ويمكن لما شوفك تطفي
مابدّي دبّر ملقانا
خلي الملقى يبقى صدفة
بسمع صوتك ب يناديني
النوم ببعدك ب ِيعاديني
بحس بقربك رغم بعادك
شهد حروفك بتهاديني
رح قلك من برة قلبي
خلي الحب يعيش الغربة
خليك بعيد وتشتقلي
وخليني باحساسك رغبة
بكبت وبخلي أشواقي
تغلي بقلبي وبين وراقي
بتمنى اخلص من حبك
لكنو بشرياني باقي
ورح قلك مرّة ورا مرّة
شو صعبة القصة وشو مُرّة
ورقة حبي شو مصفرّة
بس بقلك : مشتاقتلك
بدوّر بوراقي عن كلمة
عن صورة ويمكن عن رسمة
عن اسم ينسّيني اسمك
بس شو بعمل مشتاقتلك
يمكن تزعل وتزعّلني
ويمكن تلقى أحسن مني
بس الفكرة بتعذبني
وقعت بحيرة و مشتاقتلك