اشويه ياعين الخشف .. خزرات المعاتب .. جوني من كثر ما لوع .. حتى اهلي .. اصبحت جزعانه مني رافكَتني الونه .. والحسرات من بطن الحملني او هذا عمري .. امكَالب اويَه الضيم ما مر الضحج .. مرة اعله سنّي او هذا حجي الناس .. اون من لوعتي او كَالوا يغني فتَّر اعيونك .. تره اعيونك كَصن بسنين عمري او ذوبني آنه احب منهن .. نبل مغتاض .. خلهن يوجعنّي ذابل .. اوكَاصي العطش وياي جا هلبت رونّي .. ؟! انسه حزنك .. لا يحن حزني .. او على اعناد الحزن .. يا زين .. اغنّي حتى اصيحن : يا حسرتي اتباعدي او يا بسمتي الضاعت تدنّي آخ مني او آخ من روحي الكَت هذا العمر بس بالتمني وسرت بيها او صحت : يا روح هدوة ليل ، عنّي آنه .. موش اول هرش . داسن بسبّاحي .. اولوني آنه .. مثل الناس .. لِكزني ابرمح بوك ، اوجفني ضيعن دمي .. ولا جنهن الجاتل .. وانكرنّي ... !! يالتلجين اعله شوف السود .. بس اكَفن .. نسني ثكّلّن حمل البعد .. وآنه الرجيج .. اوكلفني ذوبي من نار الجفة .. او بدموعج اليجرن تهني اوعني .. خليني استجن .. يمعذبه .. اشتردين مني .. ؟ او هذا عمري مكَالب اويه الضيم .. ما مر الضحج .. مرة اعله سني اوهذا حجي الناس .. اون من لوعتي .. اوكَالوا : يغني
عريان السيد خلف: شاعر عراقي فذّ وأيقونة ثقافية
نشأته:
ولد عريان السيد خلف في محافظة ذي قار، العراق، في عام 1940.
نشأ في بيئة ريفية بسيطة على ضفاف نهر الغراف، ممّا أثر بشكل ...
