اشبك تعجلت يا سيد الظبا

وتوني ما تعديت أولك

كانك تفاول على الفرقا تهبا

ما والله تروح خل عنك الكلك

ما هو قسوة عليك ومو غبا

شفني لا جيت ودي اكلك

اضميتني وجاوز السيل الزبا

ولك ترفق على قلبي ولك

حضرت لك عرش بلقيس وسبا

وش باذني نديمك يا الملك

ما تذكر أول على ذاك الربا

يوم أني الاعبك وادللك

القاك غافل تبي عني نبا

واجي واغمي عيونك واسئلك

وتضحك واغني زمانك يا صبا

وترد لي ويشطح لساني ويلك

ذابت عليك السلام ومرحبا

اخفك اليا تبسمت اثقلك

ادير وجهك واقبله وتبا

اقولك بوسه لي وبوسه لك

يسعد دباديبه اللي بك دبا

وش عرّق اناملي واناملك

ما كنا حلوين يا حلو النبا

تكفى ترى ازعل واخاف ازعلك

ما ودي باكر اغنيلك صبا

يا بن الحموله علي اشبدلك