يا عين عاد القمر .. يضوي ليالينا
ويقول طاب السهر .. يا حبابنا جينا
اوف يابا يابو الزلف يابا
يا عين طل القمر .. مخجول ع مهلو
مخبي حكاية وخبر .. ناطر تا نندهلو
نحنا رفاق الوتر .. بين معشرو وأهلو
معتاد معنا السهر .. ع مطل وادينا
 اوف يابا يابو الزلف يابا
يا حباب ما في حدا .. الا القمر معنا
من صوب هاد المدى .. نازل تا يسمعنا
نغني عتاب وحدا .. ل اللي ملوعنا
ونغمات فيها صدى .. أيام ماضينا
اوف يابا يابو الزلف يابا
ونقول يا ميجانا .. لحبابنا ال طلوا
بالدار حل الهنا .. لمن اجو وحلوا
يالله يطول الغنا .. ويبقى العمر كلو
هالدار تبقى لنا .. وتسلم أراضينا
اوف يابا يابو الزلف يابا