ليلتنا من ليالي العمر
النجمات بترقص فيها
ليلتنا لطلوع الفجر
مندبكها ومنغنيها
ليلتنا احلى صورة
من الاحلام المسحورة
ملوى العين جبين البدر
مزينها ومضويها
دبكتنا ايد بايد فرحة عيد
محلا دبكتنا
دبكتنا عمر جديد وفجر جديد
بيحكي عزتنا
يا قمر ضل قبالنا
واسهر معنا كرمالنا
وانت العارف بحوالنا
ومسايرها ومربيها
يا غزيل يابا يابا يابا
ومسايرها ومربيها
يا قمر ضل قبالنا
وضلك شاهد ع حوالنا
بكرا خبر اجيالنا
خبر قصتنا وارويها
يا غزيل يابا يابا يابا
خبر قصتنا وارويها
***
ليلتنا الوعد الغالي
بدوالي الكرم العالي
هالليلة ولا كل العمر
نعدو ليالي ونضويها
دبكتنا بدها زنود تشد زنود
محلا دبكتنا
دبكتنا صف اسود جنود جنود
تحمي رايتنا
يا رب تصون بلادنا
وتبارك ارض ولادنا
هي امانة اجدادنا
ونحنا بالروح منفديها
يا غزيل يابا يابا يابا
نحنا بالروح منفديها
بارك يا رب حصادنا
ومواسمنا وعيادنا
ونذكر فيها روادنا
وع سنين العمر منحييها
يا غزيل يابا يابا يابا
ع سنين العمر منحييها
يا ربي تصون بلادنا
يا ربي ايدك تحميها