أنا الليل العديم الواضح الخافي قليل حكاه
وأنا ذاك النهار المظلم اللي ما عرف ويني
انا الأقصى من الأدنى دخيلك لا تهزّ ادناه
ترى الأدنى يبي يرقا على كتفي ويكويني !!
ينرفز هاليدين شعور ما يكتب وانا اقراه
غبي ماشي ولا يدري بأنه بين يديني ..
يسفرّه المدى لهفه تغرغر يا مدى ابغاه
وينتج من يتيم الصوت ( مؤيد لا تخليني !! )
هنا يستأنف الأجمل من الأحلى على معناه
هنا الآتي هنا القادم هنا من غير م عنيني
اذن وان مالت دروبي ومجنون المواقف تاه
تشوفه أوضح من الشمس الا يالمختفي بيني !
غفيت أحلم صحيت ارسم مشاهد للرواة رواه !
سجدت امحي خطاوي ناس ترميني وتخطيني !
لهم وإلا لكم وإلا لنا هذا أنا وياه
تعالوا خوذوا الدنيا وانا هذي تكفيني !
الأ يا شهقة الطهر العفيف اللي تعرف الله !
يمين الله مو ذنبي اذا ه الرب .. يعطيني .. !
