هذا أني العراقي الما كسرت العود

ولا ينمس دخيل يلوذ يم بابي

لا بعت اعربيتي ولا كلت امين

ولا خنت الوطن واقبضت اتعابي

أنى ابن الرصافي الما خذلت الگاع

ولا تعرف مذلة حروف سيابي

رضعت من المعارك نكهة البارود

وبدم الغزاة ملوثة حرابي

ما اركع واداهن حفنة العفنين

واكسر نابي لو الهم ضحك نابي

واشد ليل على ليل وما أغمض بي

وأفجر كل همر داست على ترابي

انى سيف وسعد جدي علي الكرار

واني التوجع ضربتي وما خطة صوابي

لا ثوب الذبح لا سلبت فد يوم

ولئن اهوى الوطن سموني ارهابي

لاضل ذاك العراقي التحجي بيه الناس

وما بيع الوطن لو بيع انى اثيابي