يا الوجيه السمر ما بين المعلا والتواهي
يا المعلا يا التواهي يا العروسة يا الشجن
جيتكم .. والدرب ينبض شوق ويشد انتباهي
للزمان اللي غدا كله ثواني من زمن
جيتكم .. من غير ما اسأل خطوتي وين إتجاهي
جيتكم وخطاي تسأل بعض: كم تبعد عدن ؟!
آآآه يا هي مترفة وأطرافها يا هي وياهي
آأأه يا هي غالية والقلب وأيامي: الثمن
من يعلم ساحل العشاق عن حيرة شفاهي
ومن يعلمني عن العشاق والساحل وعن:
خور مكسر وانبلاج النور من ليل التباهي
لا انثنى موجه علينا وجه وأحضان ووطن
من يعلم لاهي الأشواق عن مشتاق لاهي
من يموّل لي من أوراقه مواويل الحزن
إيه أنا عاشق وأحبه حب تضمى به مياهي
إما أحبه لين أحبه أو كأني لم أكن !!
يا عدن (فارقت ما فارقت) كان العذر واهي
بس أنا حبيت .. ما حبيت مثلك يا عدن !