من طرت به فوق الثريّا ، وهو تحت ...

على الثرى ، قال: الثريا بلادي !

ما طاح وجهي في غيابه ، ولا طحت

كنت أشتعل لين انطفي في سهادي

وأنا ادري إني لو جرحته تجرّحت

 خطاه عذر ، وعذر غيره تمادي !!

قال: الغياب ، ومثل ما جيت روّحت

لي من مدادك نشوتي وامتدادي

قلت: الحضور برغبة العاشق البحت

وملامسة سقف الجنون الحيادي !

يسعد عيونه كثر ما امسيت واصبحت

على هدبها هاربٍ من رقادي

واللي على بالي لو اقوله ارتحت

لكني ألقى عزتي في عنادي !!

لو الحجر له قلب ويحس بالنحت

ما كان وجهه لعبةٍ للأيادي !!