يتيم في الدنيا يا أمي
 معنديش حد
 رميتني الدنيا من صغري
 علي باب حد
شافتني وحده
 وبكتني علي الأيام
 خدتني بسرعة ودتني
 لدار أيتام
 وجيتها يتيم
 وعشت يتيم
 ومت يتيم
 يتيم في دار أيتام
 وعدى يوم وراه أيام
 وفاتت 20 سنة قدام
 وأنا بحلم أكون
 مولود مع الأحلام
 بحاول أعيش
 أقوم وأنام
 نسيت إني
 أنا أصلاً من الأيتام
 خدتني الدنيا وجبتني
 لقيت حلمي اللي بحلم بيه
 أميرة حسن
 وجمالها بتوه أنا فيه
 عنيها ليل جميل ساحر بيسحرني
 يتوهني في طول لياليه
 وأحلي كلام
 وأحلي سلام
 حبيبة عمري
 وحياتي
 وكل الجيّ
 والآتي
 ونور قلبي
 يا مولاتي
 يا حلم يفوق
 جمال الاحلام
 أخدتك بين دراعيني
 وخبيتك من الأحزان
 يا حلم العمر يا سنيني
 أنا الإنسان
 أنا إبنك .. ومن حجرك
 ولا هرجع أنا تاني
 من الأيتام
 طلبتي مني اتقدم
 وأجيب مهري
 وأجيب أهلي
 وبحر الشوق
 وأنا ولنفسي بتكلم
 أنا أصلا بدون أهلي
 بدأت أفوق
 رجعت لملجأ الأيتام
 سألت سؤال
 أنا اطلع مين ؟
 خدتني واحدة ربتني
 بكت بدموع وجاوبتني
 أنا ابن غلطة الأيام
 رجعت حزين
 بجر سنين
 وحلم غريب
 بعيد وقريب
 وقولتيلها
 قالتلي لا لا
 ولا يهمك
 أنا أختك أنا حبك
 أنا أمك
 ولا يهمك
 ولا يهمك
 فرحت جريت
 ورحت ناديت
 علي اخواتي
 علي عيلتي
 في دار الايتام
 وكان تاني يوم معاد حبي
 هتيجي تشوف
 خلاص أهلي واخواتي
 في دار الايتام
 فرشنا الشوق
 وأحلامنا
 وقولنا خلاص يا أيامنا
 هنطوي صفحة الأيام
 نعيش نحلم ونتمنى
 كما لو كنا مش أيتام
 وعدت ساعة والتانية
 ويوم وسنين وناس تانية
 وأنا وحدي مع الدنيا
 لا جاوبتني
 ولا جتني
 رجعت حزين
 رجعت يتيم من الأيتام