بسم الله،
قبل ما أبدأ،
وأَسَمِي
أستعيذ شيطان..
رجيم،
وأدعي دعوة..
خير لأمي..
توصية رحمن..
رحيم،
بعدها..
هـ احكي وأقول:
وافتح الجرح الأليم.
بس صلوا..
ع الرسول
لجل ما روحكم تهيم
لأجل ما تطيب الجروح
والهموم منَّا تزول
دا الوصـول..
للحـق غاية.
***
فـي البداية
أوصي نفسي..
بالإيمان
والهداية
وأوصي إخواني
بتقوى الله
ونفسي ربنا..
يقبل دعايا.
يا إلهي..
أنت جاهي
بدعي باسمك
العظيم
تهدي قلبي،
وتهدي روحي
للصراط المستقيم.
يا كريم..
افتح لي بابك
واكفي روحي..
نار عذابك
كل مؤمن..
خاف حسابك..
دخله جنه
نعيم
توب علينا..
محتاجين
نرجع كفاية.
يا أخي..
في الله تعالى..
نبتدي..
نوّصل رسالة
نمشي..
في سكة هداية
نفهم الإسـلام
صحيح ..
نحيي من تاني
العدالة
بالعمل ويَّا
السُلوك
يعني أفعال
مش قواله
يلّه بينا
نحب بعض..
مهما كُنّا ..
في أي أرض
نحيي دينّا
كل سَُـنَّة..
وكل فرض
تبقي حرب..
علي الضلالة
ننصر الإسلام
بحق..
لجل شمس الدين
تشق
من جديد..
لأجل يرجع
تاني خالد..
كلنا لازم..
يجاهد نفسه..
يعني كل واحد..
يبكي علي
روحه وحاله
قبل ما تقوم..
القيامة
يا أخي..
دا ما فيش
طريقة؛
غير طريق
الاستقامة
في الرَخَا..
وفي عز
ضيقة،
خلـي إيمانك..
علامة
خلي روحك..
خالصة صادقة
في الإيمـان..
بالله وعاشقة،
للحلال..
والله تبقي..
عبد لكن ..
ليك كرامة.
تتبع نهج
الرسول..
الحيـاة تبقي
نعيم،
دا الرسول
صادق أمين
كان رحيم
بالمؤمنين .
كرَّمُة ربُه
العظيم
واصطفاه..
جل جلاله
يا أخي
في الله تعالى
نزرع الخير..
في القلوب،
نبتدي نحرم
حرامه
م الذنوب نبكي،
نتوب،
نرضي
ف الدنيا ..
بحلاله
نَفْسِنَا الحرة
الأبية..
اختفت..
وسط الزحام .
نِفْسِنا
نبقي خليّه..
الإمام ..
زيّ الرعية.
نشتغل..
من غير كلام..
ننشر الإسلام..
نعلم ..
دينا مش
دين الجهالة
يا أخي
في الله تعالى
نبتدي
نوَّصل رسالة
لـجل كل
الدنيا تعرف..
مين حبيب الله..
محمد.
لجل كل
الدنيا تشهد..
إن خير
الخلق احمد.
وإنِ ده..
نهجه القويم..
يعني لازم..
نستقيم،
يعني تبقي
حياتنا طاعة،
كلها حب..
وعبادة.
أصلحوا..
قدر استطاعة.
أصلحوا
في الكون..
يا سادة.
د الرسول
هوَ الشفيع
والشفاعة..
كل حاجة،
آه يا سعده..
مين يآمن..
قبل ما يفوت
الأوان يا بشر..
مين فينا ضامن..
يوم ما يعجز..
اللسان..
يبقي عملك..
بين يديك،
والرجوع تاني..
استحالة.
***