إلى متى يابنت نبقى بعدين

والى متى تبقى الخوطر كسيره

نمسي على موال وينك وانا وين

ونصبح على مؤال ف الصبرخيره

الشوق يقتلني من الحين للحين

وانتي ورى قضبان خوفك أسيره

يابنت كانك في خفوقي تحسين

جودي بموعد والمخارج كثيره

وانا اوعدك لاجي واسيب الملايين

خلفي واسيب الدارواهل العشيره

واصنع قبل لا أصل من الشوق تاجين

تاج الأمير وتاج لك ياأميره

ماني من اللي يقسم القلب نصفين

نصف لغلا مريم ونصف لسميره

تكفين وأدري عيب لاقلت تكفين

لكن جبرني الوقت وانتي جديره

تكفين رسيني على بر ذا الحين

يعني على ماقيل حلقة أخيره

يانلتقي ونرد للنبض قلبين

ولاالعشير بصمت يهجر عشيره

أبسمعك مليت من قول بعدين

للصبر بير وجف يابنت بيره

ماني عجل لاكني أخشى من البين

ومن حقي أسال حبناوش مصيره

المعذرة لوصدق فيني تموتين

ماتتركين القلب عايش بحيره

عندي سؤال وطالبك لاتردين

يكفي شعورك بألسؤال أستثيره

الوضع كيف يكون؟ وانتي تعيشين

يابنت في ديره وقلبك بديره

حرفي رفض ياستاذنك يادعج العين

وانهى القصيدة ببيت جدا خطيره

يابنت كانك في المحبة تسلين

سيبي خفوقي واعشقي قلب غيره