بو حمد قم شل شكوايه

صوب لي بالخير يطرونه

بن اعتيبه لي به إكفايه

عد والعربان ينصونه

بشتكي له ضايع ادوايه

والدخاتر ما يعرفونه

كاد كاد ايحل دعوايه

ريت ناس اكبار يعزونه

حب خلي بيح اقصايه

طحت والطايح يثيبونه

شب لي في يوفي اصرايه

او ذابحني ذبح مسنونه

او مالكني ملك شرايه

ملك خدام يطيعونه

بو يديل قلت في الغايه

سيدي خذ مالقمر لونه

جيد ريم اوعين مدعايه

من يساوي بيت اعيونه

هو شفا قلبي او منوايه

سعد يلي طاح في احضونه

قلت لو قفابي ابرايه

بتبعه لو تنيع اضعونه

تبع لي في الهوى اهوايه

صابر في شف مضنونه

ماخلفت السيد مجرايه

عن جداه او ولحير دونه

لي عليه إمعلج الرايه

ذا او قومي ما يساوونه

يانطرالي تيني إغشايه

هاض مابي او طلب العونه

ذاب قلبي وايد ابكايه

دمع عيني غيل يردونه