ياالربع قولوا لمقحم يولم بندقه

ويحساني معه بلحاف وزيادة رصاص

عان براق الحيا والرعد له وندقه

وفي ليال مثل هاذي نبي راع إختصاص

حزة ماهيب حزة جيوب مصندقه

وأنت عمي وإلك نظره وعندك جيب شاص

خلٍ من لا يقطع اللال يلزم خندقه

العميل الّلي يمانيك وإن صملت حاص

ودي أبعد عن غثى دار هوش الحندقه

رحت أنا ويا البلد واهلها كهرب وماص

ودي أبعد لين مااشوف شبك وصندقه

لو هي أكثر من دبا الأرض ما عنها مناص

مع رجالٍ ترتفع عن دروب الزندقه

مذربين وف اللوازم ماهم باهل أمّلاص

والطعام اللي على أحدث نظام الفندقه

عنه يكفيني قراحٍ معه تمرة خلاص