اشتاق حبر القلم لمداعب الريشه

وأنا هجوسي براسي عام كاتمها

وقرّرت أخوض البحر وأطيش مع طيشه

أموت في عزْ... والاّ الدانه اغنمها

أمّا ثبت مركبي وارحنتني العيشه

وغابت هواجيس نفسي لا تحطّمها

والاّ تركت المجال يزيد تشويشه

مالي ومال اجهزة عطلان سستمها

ما يقتنع صاحب المبدأ بتطنيشه

حتى يشوف الحقايق ويتفهمها

والحر يفخر بصيده في مغابيشه

نفسه على العز.. صاينها ومكرمها

والشعر ميراث من صغري وأنا أعيشه

لعبه براسي وأحللّها واترجمها

ما استورد القاف من صنعا.. ولا بيشه

لو كان أهلها.. بيوت الشعر تحكمها

وإن شفت لي شاعري فزونفض ريشه

قلت الله اللي عقول الناس قسمها

عن ساحة الشعر ما يرضى بتهميشه

لو ما تساوت بيوته في تناغمها

يا بعد نظم القصايد عن مناويشه

واللي سواته بيوت الشعر ظالمها

لا صار بالشوك ما تنفع مناقيشه

يرمي بها في جيوبه لا يليمها

واعتز في شاعري.. تروي قناطيشه

هذاك اتابع ادروسه واتعلمها

اللّي اليا دندنت... ما ينهزم جيشه

بيطار بالنظم والنقاد يفحمها

للمجتمع كلمةي وللعمر.. تحويشه

واللي يخونه رصيده لا يدمدمها