وين انت .. ياللي بعيد ان كان توحينيِ

ينده لك اللي بعيد .. وذابحه شوقه

هو انت عندك خبر .. باللي حصل فيني

تسابق الدمع .. حتى جفت اعروقه

لا الليل ليلٍ .. و وجهك ما يمسيني

ولعبت بآوراق .. والاوراق محروقه

ماكثر وجيهٍ .. تصافح قلبي وعيني

لكنها ماوفت .. للمرهي احقووقه

من غبت عني .. وغابت فرحة سنيني

والليل شاحب .. اذا ماهو القمر فوقه

والى تذكرت صورة وجهك الزيني

وشميت عطر .. يشابه عطرك بذوقه

لقيت نفسي .. مابين الزين والشيني

كنها على شوفة الباقين .. مخنوقه

فتانة الحسن .. عن كل المزاييني

انتي سحابة عطر .. من نور مخلوقه

ان كبر حظي .. تعزمتي وجيتني

والى هفى الحظ .. مات العاشق بشوفه