البارحه ماهملج الطرف بنعاس

يوم الخدوش ملازمين الكراسي

أخذت في سوق الهواجيس مرواس

لين إن فكري عاد لي وإستراسي

مانيب أفكر في هوا زين الالباس

أشوف لي وقتٍ ماهوب إمتواسي

وقتٍ غدى بمتعبة قب الافراس

أهل العلوم الطيّبه والحماسي

اهل الشكاله كاسبة كل نوماس

ماهو ثقيلين النفوس الخساسي

ويادهام قافك صار بالحيل حساس

ذكرتني وقتٍ وانا كنت ناسي

يادهام جعل الله يجيرك من البأس

انته تقاس الوقت والوقت قاسي

وقتٍ يتعب كل سابح وغطّاس

لكن خلك للصعيبات راسي

ومن لايقيس الوقت بأفكار وقياس

يصبح عشاً للذيب وسط المحاسي