عبير وتعبر اللهفه بك حدود المدى للـ آهـ
وأضمك غربة /مسافر لقى في موطنك حتفه !
عبير وجيتك مهاجر يْحطْب من السنين خطاه
مسافاته حنين / وضيقه الممتد من خلفه!
شبابيكه تنادي للصباح اللي ظلم : مسراه
شموعه ماتوانت تشحذ المقتول من عطفه
على إيقاع حزنه يكتب المسلوب من ذكراه
حسب توقيت دمعه يطلق المسجون من حرفه
تعب وجه الزمن يمحي ملامح بسمته / يقراهـ
حكايه من ألم ترجي من غيوم الأمل نطفه
كثير يقول بكره / بسّ بكره دائماً ينساه
يصوّت للقا / تُشرع بوجهه للهجر شُرفه
وحيد يعيش في نفس المكان اللي سكب فرقاه
يغنّيه الصبر موال جرح بارع بعزفه !
كذا همّه تكوّر وإستباحت ضيقته دنياهـ
كذا حلمه (نما) في داخله و(إغتالته) , (صدفه)
كذا عاش الحياه بلا حياه ولا لقى مرساهـ
كِذا خانت مشاويره : دروبه / وإنتصر ظرفه
سقى الغربه مواويله / وجاذبه الغروب غناه
قبل يدرك حقيقه ان : صدقه جزء من ضعفه
حكى صمه سَهَر يوم الكلام اللي وقف بـ اشفاه
عجز في عزّ حاجة ضيقته للبوح يقترفه
شموعه / حزنه المتناثر بداخل مداه / أشياه
شحوبه / إمتعاضه/ كلها للناس تعترفه
خطاه أنه وفا يوم الوفا محدً قدر يرعاه
خطاهـ إنّه ذِكر يوم المواني نِسيَت تْعَرْفَه
بذر للحب صدقه والوفاء / لكن عجز يلقاه
حصاده آهـ تغتال الكلام ويختنق نزفه!
وربّك ياعبير الحال لو ينطق ,, صرخ : أواهـ
من حمولً تثاقلها الزمان وشالها كتفه !