مدري من فينا اللى ناسي
روح الجمهور يالله
اقرا شعري
عالكراسي
الشعر ماهو يقين
ولا هو بعد ريبه
الشعر نذرٍ على
وما على الا اني اوفى به
يا مسا النص الاخير
يا مسا التكفير عن ذنبٍ تقول اني ارتكبته
يا مسا شعرٍ كتبته ومفهموه
يامسا منفى ثبته
يا مسا مثبت نفوه
مدرى هي الناس ما تقرا؟
او هي تقرا بس ما تفهم
او هي تفهم بس تتغابى
يا مسا الهم الكتابه
يبكى الشاعر
يدخل غرفته
ويصك بابه..
وش بلى هالليل هذا:
باردٍ قاسي طويل
وش بلى الدنيا تميل
كل ما اعدلها تميل
والله انه لا بكى الشاعر يميل
كل مافي الارض
من عشب ونخيل
ياخي احس اني انطفيت
بين ودي اشتعل
وبين ودي بس ياليت
وانطفيت
قمت اتمتم بك وادور
قمت ادور
اذا انطفى الشاعر
من يشعل الجمهور؟
من يدق الباب
من يصحى هالقلق
ويوتر الاعصاب؟
من يطيير من هواجسنا حمام
من يسهرنا وينام
ولا ينام؟
من يذكرنا بلحظات الغروب
من يورطنا ويتوب
ولا يتوب؟
اكتشفت
اني متحمس وخفت
مدرى عفت
واكتشفت.
اني لا غمضت ..شفت
الغيم صندوق المطر
والريح مفتاحه
ليه انا بس اللى اتعب
وانتى مرتاحه؟
ليه انا بس اللى احزن في السنه
كل السنه؟
وليه انا اصلا انا؟
استغفر الله العظيم
كنت امتدادٍ ابيض للصدق
اخضر للعشق
وانت امتدادٍ ابيض للنور
اخضرٍ يلغي الاراضي البور
كنا امتدادٍ في الشعر
((لعاصى ومنصور))
مونامور
لو يدري الشاعر
كم يجهل الجمهور؟
ما عصاك الا عصاك
والهوى فك شباك ورماك
لما وراك..
الماء وراك
كومة اوراقك
رفاقك
حيرتك
مجاملتك
نفاقك
اختلافاتك
وفاقك
يا تعبت
والحكى مثل السكات
مقفوله من كل الجهات ..!