يامرتبى هاتكفى
قوللى يامظلوم معايا
لفين تروح طيب لمين
للبنين ولا الولايا
قولنا نخلف عيلين
جونا خمسة مش حكاية
احمد ومحمد وحسين
وصفاء والست اية
قوللى مين هتكفى مين
وادى اول الحكاية
هاتكفى رغيف عيش مسكين
والاجزار فى البداية
هاتكفى زيت مع تموين
والا بقال فى النهاية
وادى الشتا جية ياعين
والعيال تجرى ورايا
كل واحد بنطلون
ويا جاكت ياهنايا
وياجزمة وجوز شراب
وكم تحجيبة للولايا
وادى ستة مدرسين
والدروس عايزين ماهايا
قوللى مين المظلومين
انا والاانت معايا
قوللى فين ناوى تروح
وانا وياك للنهاية