الله واكبر على هالجيل

اللي محدر مع الطلعه

جيلٍ تخلف ردي الحيل

وعايشٍ خارج القلعه

ومخالفٍ منهج التأويل

ومخرب الشكل والسمعه

صابه تخلف عن الاصيل

وكالبنت ذراف للدمعه

يقلد الصوت والتقبيل

وطبيعه البنت من طبعه

ناقص ونقصه بكل الكيل

وعينٍ بترجيه منرمعه

موالف الهون والتمثيل

بالهاتف اللي جلب قمعه

باليوم ماريحه والليل

ساهر وشكله معه جمعه

لاجل بطاقه نسى التهليل

ونسى مقامه لدى ربعه

ونسي الرجوله وحب الميل

وروح بروحه بلاء رجعه

وامسى على شلته قنديل

ويقول خدي كما الشمعه

بالصوت واللحن والتدليل

يعرض لنفسه كما السلعه

رضي المهونه مع التذليل

وكرامته مالها وجعه

يمثل الجنس بالتفصيل

من عقب ثيب يجي ورعه

ورضي على منزله تنزيل

وحلل على وجهه الصفعه

جيلٍ حواله وطتها الخيل

ومصيبته مالها رقعه

من عقب عزه هواء التبديل

وللوطى بدل الرفعه

وعقب الرجوله رضى التقليل

ووقعته مكبرك وقعه

خايب مدامه هواء التدجيل

وللخير مافيه لو مزعه

فاشل بعمره بمتر وميل

ومسيره العمر منلطعه

الناس تسعى ورى التحصيل

وموضوعنا يجمع النطعه

والعمر كله يهز الذيل

وياصف لضيقه على وسعه

يختار رقمٍ من التخييل

وتقول هاتفك ياجمعه

وبصوتها الناعم الجميل

تقول فالرقم منخدعه

هاذي بديات هالعليل

آنيستٍ بالشحن ولعه

وقامت تغنج بقال وقيل

فرحانةٍ غير منفجعه

وإستمحنت تغري العميل

وجوارح الكل مندفعه

رضي على نفسه الخليل

ومكارم الرجل منشلعه

نوب تغلى ونوب تميل

ونوب تحدث عن النفعه

منذل بالقول والدليل

وماهو برجلٍ ولاربعه

خال من العز والغليل

وابوه مايرجي الشفعه

يفرح ليا شاف له مثيل

ويمشي مع الناس متبعه

نساء ينقصهن التحميل

ومنهم الكبد منفقعه

مسوٍ ذكي بفعله الهبيل

مايدري انه سهل قمعه

ولو آصفه بنقلي الثقيل

نباء نسافر معه جمعه