الهواء ماهوب عيب ولايُعَيب من هواء
ولايِعِيب الرجل حبه للعذارا والنسا
الهواء دربٍ نظيف ولامشابه من غواء
وتايع المله غرامه نازعٍ عنه الكسا
له قيود وله حدود وله تحالف بالنواء
خاليٍٍ من عيب شرعي ومن لعل ومن عسى
الهواء جمعاً نحبه هو مرضنا والدواء
به نِهِِيم وبه نغَيَم تحت جوٍٍٍ مونسى
السعاده في طروقه وأسألوا أهل الهواء
بالعشر تبصم بأنه من مشابه مانسى
والله اللي نزله فالقلب وأيضاً فالشواء
وفي مثان الدم مبحر والجسد كله رسى
يشبع النفس العليله من ضماها والطواء
ويبري جروحٍ قديمه طبها فيها عسى
يَنزل إهموم الرجال اللي لها بيت وحواء
ويفرح حجاج الذي من لين عوده قد قسى
الهواء ثوره سعاده وعدها فيه الرواء
ومن ورد عد الهواء الضيق عن صدره خسى
له غيوم وله بروق وله سحابٍ فالجواء
كالربيع إليا وطى دار البدوا به تونسى
يحيي العود الهشيمه وللورق كله حواء
ويسقي الأرض التي فيها الجفاف يقسقسى
ويتبدل حالها عقب التعري والخواء
وتلبس الثوب الخضر وبزكى النسيم تنسنسى
ويطرب العشاق زينٍ فوق خدتها إنزواء
وتفتن اللي شافها بالعين وإبها وسوسى
الهواء يجعل قليل الباس كامل للقوى
ويتجدد بالنشاط وللإراده كرسى
والهواء بيت وسيع وآمنٍ مابه ذواء
والوحوش الذاويه بليا شرابٍ أو حسى
الهواء يجمع وليفٍ مع وليفٍ له سواء
تحت شرع الحب تمشي فالصباح وفالمساء
بالتآلف والتقارب والمحبه ورضوى
وصدق منطوقه ذهب ماهو بنطق مفلفسى
الشرف اول صفاته وبالنزاهه إرتوى
وخالصه فيه النوايا وغير ذلك لنكسا
عفته عفه سليمه مابها كذب ولواء
وخاليه من خدعه اللي فالكلام يبربسى
الهواء يبني بيوت راسها طاح وذواء
ويجمع الشمل الممزع وللنفوس ينفسى
كالبحر قد شبهوه الناس قدمي في سواء
وغبته غبه عميقه ومن مشابه يرمسى
ولاذكر تايب قديم ولاجديدٍ له طواء
وكل عاشق مع هواه لكل باب متربسى
الهواء موضه تزكرت لذيبها يومه عواء
وتتبع أحداث العصر فالنطق ويا الملمسا
كيفٍ مميز على قلوب المخاليق إلتواء
ولحدٍ من قبضته سالم علاهم روسى
له فنون وله عيون وله طعون ومحتواء
ومن عناه الناس تفرح والعقول تهلوسا
يجلب الهم الشديد ولسعته مثل الكواء
ولايموت ولاحدٍ يقدر لرجله يركسا
عايشٍ على العنايه والحفاوه ماصواء
سيدٍ آخذ مكانه فالقلوب مقرنسى
للنشاما والعذارى ضابط برتبه لواء
ومدرسه منها الفوائد والمكاسب تلمسى
جنه الدنيا هواء الخفرات ماعنها حدواء
ومن تفوته جنه الدنيا يسمى المفلسى
هن سموم لضيق صدرك يومه لصدرك شواء
وهن عدو الهم كان إنه لغزوك قد حسى
هن قراح الماء وعذبه وفي حنين لرغوى
بك حنون ولك وليف ولك طبيب منفسى
وقدمنا الشعار قالوا إنه أفضل مستوى
مع تمام الدين لبسك من خيار الملبسا
الهواء تاج الرجال وعزها والمهتوى
والوسام اللي بحاضرنا يكون ومرمسى
والهواء يبقى على مر الليالي ماهواء
عالي قدره وشانه وبالعيون ينعسى
والحياه بلاء هواء فقر على العالم ضوى
لين عقم للحوال وللأماني ليسى
والختام إن الهواء قايد ولاهي بهقوى
تحت قاعدته تروح أهل الهواء ثم تنكسى