شوفي مثل ماني على حطة يديك

واقري وش اخر ماكتبته لغيرك

مبطي وانا ميت ضمى دوم وارجيك

وبردة عظامي بالغلا تستخيرك

يوم القسى وينه غرامك لغاليك

وينه ضميرك بس وينه ضميرك

رحتي وكن الموت يمشي برجليك

وكن الشفق يشرب ظلامه هجيرك

ماشفتي اللي يوم رحتي يباريك

وده يضم خطاك / وده يثيرك

وانتي تقل شي ٍ على البعد حاديك

ماكنه الا مزهب ٍ في جفيرك

واليوم جيتيني وانا آقول ما بيك

قبلي قليلي مااستحى من كثيرك

مات الامل فيني وخاب الرجا فيك

الله يبيح القلب والله يجيرك

ماودي انشد دمعتي ليه تغليك

ولا ودي اعرف وش نهاية مصيرك

روحي وضمي دمعتي بين آياديك

غيرك كتبته وانشطب لجل غيرك